Microsoft

D Microsoft Corporation isch dr weltwyt gröscht Programmhersteller mitm Hauptsitz in Redmond (en Vorort vo Seattle, US-Bundesstaat Washington). Ds Unternehme isch 1975 vum Bill Gates und em Paul Allen gründet worde. Dr Name „Microsoft“ stoht für Microcomputer-Software und isch zum erschte Mal am 29. November 1975 vum Bill Gates inem Brief an dr Paul Allen benutzt worde. Am 6. Jänner 1976 isch „Microsoft“ e ytrageni Handelsmarke worde. Dr jetzig CEO isch dr Satya Nadella. Nach de afängliche Erfolg mit nem BASIC-Interpreter am Endi vu de 70er-Johre hett die Firma erschtmals 1981 ds Betriebssyschtem MS-DOS vorgstellt. D Entwicklig vu MS-DOS isch im Uftrag vu IBM duregfüehrt worde. Dr IBM-PC und deri Nachbaute uf PC-Basis sind ide 80er Johre mit dem DOS- Betriebssyschtem usgstattet worde. Mit em grafische Benutzersyschtem Microsoft Windows und em Büroprogramm Microsoft Office isch Microsoft Marktfüehrer worde.